Во среда КК Пелистер игра против Шибенка во спортскиот Центар Спенс Војводина

Среда, 31.01.2024, Спортски Центар Спенс Војводина – Мала сала, 15:00

Откако минатиот викенд Пелистер ги продолжи натпреварите од домашното првенство, oвaa среда почнува втората полусезона и во регионалната АБА2 лига. Во склоп на осмото коло Пелистер ќе вкрсти против славниот Хрватски тим Шибенка, каде кариерата ја започна и легендарниот Дражен Петровиќ.

Овој турнир ќе се одигра во Војводина а за потсетување, нашиот тим е со скор од две победи и пет порази, а Шибенка моментално е последна со скор од една победа и шест порази. Единствената победа нашиот противник ја издвојува во хрватскиот дуел против тимот на Цедевита Јуниор. Шибенка и во домашното првенство не стои најдобро со скор од 7 победи и 10 порани, но е во серија од две победи по ред, па ќе мора во натпреварот да се влезе со максимална посветеност. 

Пелистер секако ќе проба да го преброди разочарувачкиот пораз од Еуро Никел во минатото коло од Македонското Првенство.

Статистиките на двата тима во АБА2 лигата изгледаат вака: 

Шибенка нема изразита ѕвезда во тимот, но во зависност од натпреварот Лука Бабиќ или Американецот Форман можат да го преземат најголемиот дел од товарот. Двајцата играат на позициите 2 и 3.

Од центрите најдобар им е младиот Матеј Перковиќ со речиси 9 скокови по натпревар.

Натпреварот ќе се одигра во малата сала од Спортскиот центар Спенс во Војводина со почеток од 15:00 часот, а директен пренос ќе може да се проследи на МРТ1 и Арена Спорт 3.

Се надеваме на победа за фаќање приклучок кон тимовите што се борат за плејоф!