Во Битола Свечена Промоција на Зборникот „Македонски песнослов“ од Никола В. Ристевски

Почитувани, со сето срце ве покануваме на промоцијата на книгата „Македонски песнослов“ од писателот Никола В. Ристевски, која ќе се одржи денес на 15 мај (среда), со почеток во 19 часот, во Офицерскиот дом (Свечена сала) – КИЦ Битола.

„Македонски песнослов“ е зборник со авторски песни напишани во духот на македонскиот фолклор, во кои е опеан секојдневниот живот на Македонецот, во различни периоди од историја на Македонија, па до денешницата. Карактеристично за песните е тоа што сите се пишувани дијалектно (опфатени се повеќе различни дијалекти на македонскиот јазик) и изобилуваат со архаизми. Ова писание претставува несекојдневен книжевен опит и уште еден доказ што ќе служи за културен натпревар на полето во светот.
Дојдете и исполнете си ја душата со: песнословие, убост и сончевина; и можеби повторум ќе се вљубите во Македонија.

Учесници на промоцијата:

Биљана Т. Димко – промотор;
Христијан Аџиоски – промотор;
Билјана Граматковски – водител;
Виктор Дамчевски – рецитатор;
Димитар Атанасовски – рецитатор;
АВА хор Коруновска music & singing – изведувачи.

Поддржувачи на промоцијата:
Дримкаст продукција; Гимел студио; АВА хор Коруновска music & singing; АД Фустеларко Борец Битола; Синдикална организација при ЕЛЕМ – РЕК Битола; Културен и информативен центар Битола.

15 мај 2024 г. (среда)
19 часот
Офицерскиот дом (Свечена сала) – КИЦ Битола