Сутјеска Електропривреда vs КК Пелистер – Недела Спортски Центар Војводина

Недела, 04.02.2024 – 12:00 часот, Спортски Центар Војводина

Во третото натпревар од турнирот што се одржува во Војводина (10то коло), Пелистер ќе се сретне со тимот на Сутјеска од Никшич. Тим кој што имаше екстра ден за одмор откако својот втор натпревар на овој турнир го одигра во четвртокот и изненадувачки загуби од Цедевита Јуниор со резултат 80:76,  па поправување на впечатокот ќе бараат во недела против нашите зелени. Сутјеска загуби и на првиот натпревар на овој турнир, против тимот на Широки Брег, со сличен резултат 81:76 за Босанците.

Пелистер за потсетување во првиот натпревар победи против Шибенка, a во денешниот интересен натпервар го совлада и Словенскиот тим Домжале со резултат 83:81.

Кумулативните статистики пред натпреварот изгледаат вака:

Во досешаните два дуели што ги имаме против Црногорскиот ривал во предходните две сезони во АБА2, имаме забележано две победи, и тоа со резултати 77:75 лани и 93:73 сезона предходно. Три од три би значело и одлични три од три во “Балонот” во Војводина, што би го вратиле Пелистер на 50% скор на табелата после 10 одиграни кола.

Играчи на кој што ќе треба да обрнеме внимание се нивната “четворка” Радослав Славојевиќ кој запишува по 18 поени и 5 скокови, и младиот Богдан Бојиќ кој запишува по 15 поени, 2 украдени и една блокада по натпревар.

Натпреварот ќе може да се проследи во живо на Арена Спорт 2, со почеток од 12:00 часот.