Пчеларство и хуманост – Заеднички настан на пчеларското здружение и Зоолошката градина Битола
Едукативно дружење: Пчеларско Здружение „Мариовско-Пелагониски Пчелари“ и Зоолошката Градина Битола
Пчеларското здружение „Мариовско-Пелагониски Пчелари“, во соработка со Зоолошката градина во Битола, организираше едукативно дружење наменето за членовите на здружението „Порака“ од Битола, кое работи со лица со интелектуална попреченост. Настанот имаше за цел да ги запознае учесниците со пчеларството и важноста на пчелните производи за здравјето и природата.
Во рамките на дружењето, членовите на „Порака“ имаа можност да научат за животот на пчелите, процесот на производство на мед, како и за другите пчелни производи. Посетителите уживаа во интерактивни презентации, практични демонстрации и разговори со локалните пчелари.
Дополнително, на учесниците им беше подарен мед, кој беше донација од пчеларите што учествуваа во неодамнешната манифестација „Запознај го локалниот пчелар“. Манифестацијата се одржа на 31 Октомври, 1 и 2 Ноември, во чест на ослободувањето на Битола.
Настанот ја истакна важноста на заедничката соработка и хуманитарниот дух.
Со вакви активности, „Мариовско-Пелагониски Пчелари“ и Зоолошката градина Битола уште еднаш покажаа дека заедницата може да биде посилна преку едукација, поддршка и грижа за сите нејзини членови.
Grid
Разбојништво во фризерски салон во Битола – се заканил со солзавец кога бил задржан
„ГРОМ“ слави 45 години со голем концерт под ѕвездите на Хераклеја
Концерт на Теа Таировиќ на 11 јули во Битола
БЛОК 2 КОЈ БЕШЕ ОПОЖАРЕН – Денес во 18 часот е синхронизиран на електродистрибутивна мрежа
РЕК БИТОЛА – Најверојатно се случи саботажа, немаше хаварија
