Нов тежок натпревар за Пелистерци против тимот на Чаир

КК Пелистер – Чаир 2030

Сабота, 09.03.2024. Спортска сала ,,Боро Чурлевски” Битола, 18:30 часот

Нов тежок натпревар за Пелистерци е закажан за претстојниот викенд, на домашен терен против тимот на Чаир од Скопје. Дуелот ќе биде шанса за одмазда, откако во првиот дел од сезоната на гости бевме поразени со резултат 87:80. Ова воедно и претставуваше и крај на серијата од пет победи по ред што до тогаш ја имаше нашиот тим. Сега е наш ред да ја прекинеме нивната серија од четири натпревари без пораз, со што би се изедначиле со нив на табелата, и би го направиле финишот на регуларниот дел уште поинтересен, поготово сега кога дојде до смена на врвот на табелата, и зад кој заостануваме со две победи. 

Поразот од минатата сабота против ТФТ исто така треба да биде мотив плус, па со помош на Битолската публика очекуваме одличен натпревар и уверлива победа против силниот противник.

Мечот ќе се одигра во терминот од 18:30, судии ќе бидат Феревски, Антовски и Огненов, делегат Димовски а контролор Клинчаров.

Влезници ќе може да се набават на влезот пред почетокот на средбата.