Како да се вратите на вашата фитнес рутина после празничната сезона
Автор за Конзули.мк: Марковска Тина
Празници- значат уживање.
Уживање значи постојано одење на забави кои изобилуваат со храна и алкохол, што пак не оди заедно со вежбањето и одржување на одреден режим на исхрана. Ако сте свесни дека празничниот период заврши, дека сте прејадени и напиени повеќе од доволно тогаш добро за вас! Време е да се вратите на вашиот пат, на патот со здрави навики и здрава исхрана за кои ќе пишуваме понатаму. Сега полека, со прва брзина влезете во вашата рутина.
1. Прво и основно мора сите да признаеме дека бевме ,,cheaters” не една недела, туку две и повеќе. Кога ќе признаеме не треба да се обвинуваме до бескрај. Не значи дека треба да ја завршиме празничната сезона со чувство на вина кое ќе ни ја одземе мотивацијата и енергијата. Не треба да правиме кардио тренинзи со часови со намера да ги согориме сите тие калории кои ни стојат на совест. Тргнете ги сите тие мислии негативни чувства за себе на страна, и погледнете од друга перспектива – ова е вашата можност да започнете свежи и одморени во омилениот спорт или пак можеби да се пробате и во некоја нова физичка активност.
2. Не прескокнувајте фази. Почнете со прва брзина. Знаете дека колата не може од мирување да стартува со трета брзина, така и човековото тело кое е најкомплексниот организам, после одредена пауза ја губи кондицијата, без оглед колку интензивни биле вашите тренинзи претходно. Секое присилување за да се вратите побрзо во форма може да доведе до повреда.Затоа почнете полека, и зголемете го времетраењето и интензитетот на вашите тренинзи како што ќе напредувате. Издвојувањето на само триесет минути умерено вежбање дневно, или секој втор ден ке ви ја даде потребната енергија за да продолжите со остатокот од денот, ке ви помогне повторно да воспоставите ритам на тренинзите и ке ве задржи дисциплинирани со исхраната.
3. Вежбањето и правилната исхрана одат рака под рака. Затоа е важно да му ги обезбедите на вашето тело соодветните хранливи материи (јагленохидрати, протеини, масти) според вашите потреби и цели. Не заборавајте да јадете или да пиете нешто хранливо а лесно, во рок 15 до 30 минути пред тренинг за да го поттикнете вашето мускулно будење. Освен ова добро би било да почнете да јадете по распоред кој ке го организирате со нутриционист или вашиот фитнес тренер. За оние кои се редовни во теретана добра идеја е да појадувате во рок од еден час по будењето, па на секои 3-5 часа следен оброк како би го максимизирале вашиот метаболизам. Ова е многу важно за да се регулира нивото на шеќер во крвта и инсулинот, и на некој начин ќе го израмни вашиот апетит, ке немате напади на глад така што ке го исклучите нездравото грицкање подоцна.
4. Пијте повеќе вода. Да останете хидрирани е клучно за оптимален метаболизам, и всушност може да ви помогне и да го намалите и вашиот апетит. Бидејќи нашите тела се повеќе од 60% вода неопходно е да се пие минимум 2-2,5 литри вода дневно. Водата помага да се исфрли вишокот на натриум во телото, да се ослободите однадуеноста, да ја поттикне работата на вашите црева со што доаѓа до подобро варење на храната и празнење. Од една ваква обична супстанција имаме толку многу придобивки за кои што ќе пишуваме во посебна статија. Тука е доволно да ја споменеме како многу битен чекор кон враќање во нормален режим на исхрана и тренинг.
5. Најк има многу интересно и мотивирачко лого “ just do it” . Кратко и јасно. Не треба многу размислување. ,,Само направи го тоа”-Само да отидеш на тренинг. Да, но не заборавајте дека се потребни најмалку 3 недели за да им се вратите на изгубените навики. Затоа поставете неколку цели од кои прва ќе биде три недели континуирани тренинзи и дисциплиниран начин на исхрана. Во меѓувреме поставете ги вашите следни цели и награди секако кои ке си ги доделите на самите себеси, при остварување на истите.
6. Тренинзите бараат да одделите време за нив како што бараат вашите деца, вашиот партнер, вашите пријатели, работата. Не би пропуштиле нешто околу тоа нели? Па ставете ги на листата и тренизните зошто таму се работи за вас и само за вас, а вие на вашата фамилија пријатели партнер и на работните позиции им требате здрави и полни со енергија. Зарем би се откажале од себе?! Одличен начин да останете мотивирани и да го прилагодите вашиот распоред е да ангажирате личен тренер кој ке ве воведе во вашата тренинг рутина.
7. Откако ќе се вратите во теретана и ќе ги почуствувате многуте придобивки од вежбањето не заборавајте дека тренинзите треба да почнуваат и да завршуваат со истегнување. Истегнувањето е суштински дел од секој тренинг и е најбитен фактор за избегнување повреди. Потребни ви се 10 до 15 мин истегнување пред тренинг со што ке ги максимизирате вашите перформанси со олабававување на мускулите, додека брзото истегнување после тренинг ќе помогне да се релаксираат затегнатите муслули.
8. Слушајте го вашето тело. Никој не може да знае подобро од вас што вашето тело ви кажува секој миг. Мора да ги почитувате неговите потреби и граници. Ако почуствувате било каква болка или отпор тогаш престанете со вежбање и побарајте совет од матичен лекар пред да почнете повторно. Несоодветното управување со повредите може да доведе до дополнителни повреди кои може да бидат далеку потешки и бараат подолг период за опоравување.
Најголем процент од луѓето кои започнуваат да вежбаат тоа го прават затоа што се незадоволни со својата тежина и изглед но, физичкиот изглед би требало да ви биде на второ место. Тоа што е најбитно поврзано со физичката активност е фактот што позитивно влијае на целокупното здравје, расположение и квалитет на живот.
Клучот за здрава телесна тежина е збир од два фактори и тоа: редовна физичка активност и избалансирана исхрана.
Дебелината е еден од главните виновници за голем број болести како што се: кардиоваскуларните болести, карцином на дебело црево, карцином на дојка, карцином на матка и јајници, висок крвен пртисок, дијабет тип 2, артритис и сл.
Запомнете дека ние сме креатори на тоа како живееме.
Изберете животен стил кој ќе ве направи поведри, посреќни и поздрави.
Свртете се кон себе и сопственото здравје.
